«Барселона» президенти Хосеп Бартомеу ҳужумчи Неймарнинг жамоани тарк этиши мумкинлиги ҳақида гапирди.
«Ҳаммамиз Неймарнинг «Барселона»да қолишини истаймиз, бироқ унинг шартномасида товон пули белгиланган. Ким уни қўлга киритмоқчи бўлса, бу пулларни тўлаши мумкин.
Ҳозирча ҳеч нарсани муҳокама қилмадик. Испанияга қайтгач, у билан гаплашиб оламиз.
Неймарнинг трансферидан тушган пуллардан жамоани кучайтириш учун фойдаланамиз. «ПСЖ»? Улар футболчининг товон пулини тўлаши керак, охирги центигача» - деди Бартомеу AS хабарида.
Эслатиб ўтамиз, Неймарнинг шартномасида белгиланган товон пули 222 млн еврони ташкил қилади.
