“Шўртан” жамоаси Эдгар Гесс билан келишолмади ва у бош мураббийликка тайинланмади.
Клуб расмий сайти хабарига кўра, мутахассис билан оғзаки келишувга эришилганди. Аммо “Шўртан” ПФК таклифлари Гесснинг “катта” талабларига тўғри келмади. Натижада у билан шартнома имзоланмади. Клуб нимани таклиф қилгани, Гесс эса айнан нимани талаб қилгани сайтда ёритилмаган.
Энди жамоа машғулотларини Виталий Легай ва Геннадий Кочнев олиб боради. Айни пайтда асосий ишлар ана шу икки мутахассис зиммасига юклатилган. Клуб раҳбарияти бош мураббий масаласи ҳал бўлгунга қадар, жамоани вақтинча бошқариб туриш вазифасини Легай Виталий Александровичга топширди.
