«ПСЖ» клуби «Барселона» ҳужумчиси Неймар трансфери бўйича Ла Лиганинг тақиқини четлаб ўтишни кўзламоқда.
Французлар каталонияликларга 222 млн евро тўлашга тайёр, «Барселона» эса трансферни Ла Лига орқали расмийлаштириши мумкин.
Журналист Жанлука ди Марционинг ёзишича, агар каталонияликлар розилик билдирса, бу трансфер тезлашиши мумкин ва Неймар эртагаёқ «ПСЖ» футболчиси сифатида таништирилади.
Бошқа ҳолатда эса парижликлар юридик жиҳатдан рад жавобини олиши ва фақат ФИФАга мурожаат қилиб, бу трансферни амалга ошириши мумкин.
Эслатиб ўтамиз, олдинроқ Ла Лига раҳбарияти «ПСЖ»нинг Неймар учун тўланадиган 222 млн евролик пулини қабул қилмаслигини маълум қилганди.
