«PSJ» klubi «Barselona» hujumchisi Neymar transferi bo‘yicha La Liganing taqiqini chetlab o‘tishni ko‘zlamoqda.

Fransuzlar kataloniyaliklarga 222 mln yevro to‘lashga tayyor, «Barselona» esa transferni La Liga orqali rasmiylashtirishi mumkin. 

Jurnalist Janluka di Marsioning yozishicha, agar kataloniyaliklar rozilik bildirsa, bu transfer tezlashishi mumkin va Neymar ertagayoq «PSJ» futbolchisi sifatida tanishtiriladi.

Boshqa holatda esa parijliklar yuridik jihatdan rad javobini olishi va faqat FIFAga murojaat qilib, bu transferni amalga oshirishi mumkin.

Eslatib o‘tamiz, oldinroq La Liga rahbariyati «PSJ»ning Neymar uchun to‘lanadigan 222 mln yevrolik pulini qabul qilmasligini ma’lum qilgandi.