«Реал» дарвозабони Кейлор Навас Испания суперкубоги доирасида бўладиган «Барселона»га қарши ўйин олдидан интервью берди.

«Шубҳасиз, Неймар иқтидорли футболчи, аммо усиз «Барселона» кучсизланиб қолгани йўқ. Унинг ўрнида майдонга тушадиган футболчи ҳам муносиб ўйин кўрсатади.

«Барселона»нинг ўйин услуби бизга яхши таниш. Эртанги ўйинда кўп сюрпризлар бўлади деб ўйламайман. Ўйин тақдирини майда деталлар ҳал қилади.

Биз мутлақо хотиржаммиз ва масъулиятни ҳис қилиб турибмиз. Ғалаба қозониш учун гол уриш керак. Биз эса буни уддалаймиз. Келажак ҳақида кейинроқ бош қотирамиз. Ҳозир эса энг муҳим 2та ўйин бизни кутиб турибди. Биз ғалаба қозонишни истаймиз.

Биз ғалаба учун майдонга тушамиз. "Реал"да бошқача фикрдаги футболчилар йўқ. «Реал» ўйнаш — бу совринлар учун кураш демакдир, биз эса ғолиб чиқишни истаймиз», — деди Навас.