"Барселона" бош мураббийи Эрнесто Валверде "Реал"га қарши бўладиган Испания суперкубоги баҳси олдидан ўз фикрларини билдириб ўтди.
"Реал"га қарши ўйинга тайёргарлик кўриш жараёнида Майамидаги ўйинни эслаш керак эмас. Бугун бутунлай бошқача ўйин бўлади. Биз ўзимизнинг энг яхши ўйинимизни кўрсатишимиз шарт.
"Реал" яхши салоҳият ва ажойиб захира таркибига эга жамоа. Клуб яқиндагина УЕФА суперкубогини қўлга киритди.
Мен ўзимиз амалга оширишимиз керак бўлган ишга эътиборимни қаратганман. Мухлисларга қувонч улашадиган жамоа бўлишни истаймиз", — деди Вальверде.
"Реал" ва "Барселона" ўртасидаги Испания суперкубогининг дастлабки ўйини 13 август куни «Камп Ноу»да бўлиб ўтади.
