«Барселона» бош мураббийи Эрнесто Вальверде Испания суперкубоги доирасида «Реал»га қарши бўлиб ўтган ўйин (1:3) борасида ўз фикрларини билдириб ўтди.

«Биз бирор марта ҳам ўйиндан тушиб қолмадик. Ҳисоб 1:1 бўлиб турганида мўжиза-гол ўтказиб юбордик, кейин яна битта. Шундан вазиятлар бўлдики, улардан фойдаланганимизда 2:1 ҳисобида олдинга чиқиб олардик. Лекин бу футбол, вазиятларни нафақат яратиш керак, балки улардан фойдаланиш ҳам керак.

Умуман олганда, бу тенгма-тенг ўйин бўлди, ҳар иккала жамоа яхши ўйнади. Ҳар бир жамоанинг ўз ўйин услуби бор. «Реал» қарши ҳужумларда хавфли вазият яратди. Рақибимиз бўш ҳудудлардан самарали фойдаланди. "Реал"нинг иккинчи голи шунинг оқибатида дарвозамиздан ўрин олди.

Аммо мен салбий оқибатлардан қўрқмайман. Биз мағлуб бўлдик, аммо ёмон натижага қарамай олдинга интилишимиз керак. Табиийки, энди "Реал" фаворитга айланди. Аммо ҳали ҳаммаси олдинда. Жавоб ўйинида мағлубият ёки ғалаба ҳеч нарсани ҳал қилмайди», — деди Вальверде.