"Навбаҳор" навбатдаги турда "Нефтчи" билан беллашади.   "Пахтакор"дан қақшатқич мағлубиятни қабул қилиб олган фарғоналиклар энди қандай қилиб бўлмасин "Навбаҳор"ни мағлуб этиб, мухлисларни тинчлантирмоқчи. Лекин бунга "Навбаҳор" йўл қўярмикин?   Олдинда кутиб турган дерби хусусида "Навбаҳор" бош мураббийи Илҳом Мўминжонов ўз фикрлари билан ўртоқлашди.   - Жамоамиз аъзолари "Нефтчи" билан ўтадиган учрашувга тайёргарликка бугундан Наманганда киришди, - деб гап бошлади мураббий.    - Ўйин олдидан бўшашмаймиз. Негаки, "водий дерби”лари доимо муросасиз ва кескин руҳда кечган.  Қолаверса, ўз майдонимизда "Нефтчи” билан аламли дуранг қайд этгандик. Шуни ўрнини тўлдиришни мақсад қилганмиз. Тўп юмалоқ, майдон текис деб айтишади. Нима бўлган тақдирда ҳам ижобий натижани қайд этиш учун ишлашда давом этамиз. Турли хил гап-сўзларни пайдо бўлиши эса бизни янада кучайтиради. Қайсидир жойда хатога йўл қўйганмиз ёки оқсоқ жойимиз борки, мухлислар эътироз билдиришади. Бунга жавобан ўз устимизда янада кўпроқ ишлаб, юқори натижалар сари интиламиз, - деб фикрини якунлади Илҳом Мўминжонов.