"Челси" бош мураббийи Антонио Конте раҳбарият билан муросага келолмаяпти.
Италиялик мутахассис жамоа таркибини кучайтириш лозим деб ҳисобламоқда. Раҳбарият эса аксинча.
The Times хабарига кўра, "кўклар" раҳбарияти жамоа харид қилган футболчилар келгуси ғалабалар учун кифоя қилади деб ҳисоблаяпти. Конте эса таркибни янада кучайтириш лозимлигини таъкидламоқда.
Эслатиб ўтамиз, "Челси" ёзги трансферлар дарчасида Альваро Мората, Тьемуэ Бакайоко, Антонио Рюдигер ва Вилли Кабальерони таркибга қўшиб олган эди. АПЛ дастлабки турида эса жамоа ўз майдонида "Бёрнли"га 2:3 ҳисобида ютқазди.
