«Барселона» бош мураббийи Эрнесто Вальверде Испания суперкубоги доирасида бўлиб ўтадиган «Реал»га қарши жавоб ўйини олдидан ўз фикрларини билдириб ўтди. Жавоб баҳси бугун Мадриддаги «Сантьяго Бернабеу» стадионида бўлиб ўтади. Каталонияда бўлиб ўтган дастлабки ўйинда «Реал» ғалаба қозонганди — 3:1.
«Сафарда ғалаба қозониб, совринни қўлга киритишни мақсад қиляпмиз. Биз ҳали таслим бўлмадик. Қийин бўлади, аммо бизда ҳали имконият бор. Шунинг учун курашамиз. Биз олдинга боришимиз керак, аммо рақибнинг қарши ҳужумини унутмаслигимиз керак. "Реал" бундай имкониятлардан моҳирона фойдаланади», — деди Вальверде.