“Шўртан”нинг ёшлар жамоаси жорий мавсумни Асрор Алиқулов қўл остида бошлаб, турнир жадвалида етакчи жамоалардан бирига айланганди.
Шундай бўлса-да, клуб раҳбарияти ёш “оқ бўрилар”ни келгуси ўйинларга тайёрлаш вазифасини янги мураббийга топширишни лозим кўрди. Эндиликда ёшларни чемпионат учрашувларига Хайрулло Абдиев тайёрлайдиган бўлди.
У 1973-йил, 22 ноябрда таваллуд топган, асосий футболчилик фаолиятини "Янгиер" жамоасида ўтказган, Фарғонанинг “Нефтчи” жамоасида ҳам тўп сурган, сўнгра эса бош мураббий вазифасида бир неча йил аввал Каттақўрғоннинг “Динамо-Каттақўрғон”, “Янгиер” жамоасини, ҳамда Тошкентнинг “Чуст Пахтакор” ва “Обод” жамоаларида ҳам бош мураббий сифатида фаолият юритган.
Асрор Алиқулов эса жамоанинг асосий таркиб мураббийлар штабига жисмоний тайёргарлик бўйича мураббий вазифасига ўтказилди.