“Sho‘rtan”ning yoshlar jamoasi joriy mavsumni Asror Aliqulov qo‘l ostida boshlab, turnir jadvalida yetakchi jamoalardan biriga aylangandi.
Shunday bo‘lsa-da, klub rahbariyati yosh “oq bo‘rilar”ni kelgusi o‘yinlarga tayyorlash vazifasini yangi murabbiyga topshirishni lozim ko‘rdi. Endilikda yoshlarni chempionat uchrashuvlariga Xayrullo Abdiyev tayyorlaydigan bo‘ldi.
U 1973-yil, 22 noyabrda tavallud topgan, asosiy futbolchilik faoliyatini "Yangiyer" jamoasida o‘tkazgan, Farg‘onaning “Neftchi” jamoasida ham to‘p surgan, so‘ngra esa bosh murabbiy vazifasida bir necha yil avval Kattaqo‘rg‘onning “Dinamo-Kattaqo‘rg‘on”, “Yangiyer” jamoasini, hamda Toshkentning “Chust Paxtakor” va “Obod” jamoalarida ham bosh murabbiy sifatida faoliyat yuritgan.
Asror Aliqulov esa jamoaning asosiy tarkib murabbiylar shtabiga jismoniy tayyorgarlik bo‘yicha murabbiy vazifasiga o‘tkazildi.
