«Бавария» клубининг ҳужумкор ярим ҳимоячиси Арьен Роббен собиқ жамоадоши Жон Терридан нималарни ўрганганини айтиб ўтди.

“Ўша йиллари клубда атмосфера ўзгача эди. Жамоа аҳил ва ҳамма бир-бирини ҳурмат қиларди. Терридан муҳимроқ ва обрўлироқ ҳеч ким йўқ эди. Голландиялик вингер англиялик марказий ҳимоячидан нима ўрганиши мумкин? Ҳамма нарсани. У алмашиб бўлмас жамоа сардори ва етакчиси ҳисобланарди.

Терри билан футбол ва бошқа исталган мавзуда гаплашса бўлади. У маслаҳатлар берарди ва жамоадошларини руҳлантирарди. Терридан иложи борича кўпроқ ўрганинг. Мен ҳалиям уни менга қилган таъсирини англаб ета олмаяпман. Сиз у каби футболчини бошқа учратмайсиз”, - деб Роббен сўзларини келтирмоқда Daily Mail газетаси.

Эслатиб ўтамиз, Арьен Роббен ва Жон Терри «Челси» таркибида 2004 дан 2007 йилгача тўп суришган.