«Атлетико» устози Диего Симеоне жамоа раҳбариятидан миннатдор эканини айтди.
Аргентиналик мутахассис «Атлетико»нинг етакчи футболчиларини сақлаб қолганидан хурсандлигини яширмади.
«Биз янги мавсум арафасида турибмиз. Бироз ҳаяжон борлиги табиий, аммо иштиёқ ва яхши натижага эришиш нияти ҳам мавжуд.
Ўтган мавсумдаги каби оғир бўлишини сезмоқдаман, аммо барибир хурсандман. Раҳбарият етакчи футболчиларни сақлаб қолиш учун жуда катта ишни бажарди.
Биз нимани хоҳлаётганимизни жуда яхши биламиз, бу эса - яхши хабар», - деди Симеоне Marca хабарида.
