«Бавария» раҳбари Ули Ҳёнесс «Боруссия» Д яримҳимоячиси Усмон Дембеле атрофидаги воқеаларга изоҳ берди.

Маълумки, футболчи «Барселона»га қўйиб юборишни талаб қилиб, жамоа машғулотларига келмай қўйган эди.

«Агар Дембеле «Бавария» футболчиси бўлганида эди, бир ойлик маоши миқдорида жаримага тортиларди. Бундан ташқари, ўтказиб юборилган ҳар бир машғулот учун 100 минг еврога жазоланарди.

Агар Дембеленинг бу қилиғи ортида «Барселона» турган бўлса, бундан буён уларни ҳурмат қилмайман. Футболчининг шартномани бекор қилишга мажбурлаш - пасткашлик.

Агар «Боруссия» уни 130 миллион еврога сотса, у ҳолда катта ютуққа эришган бўлади. Чунки Дембеле бу пулларга лойиқ футболчи эмас. 130 миллионга бир неча Дембелени сотиб олиш мумкин», – деди Ҳёнесс.