«Bavariya» rahbari Uli Hyoness «Borussiya» D yarimhimoyachisi Usmon Dembele atrofidagi voqealarga izoh berdi.

Ma’lumki, futbolchi «Barselona»ga qo‘yib yuborishni talab qilib, jamoa mashg‘ulotlariga kelmay qo‘ygan edi.

«Agar Dembele «Bavariya» futbolchisi bo‘lganida edi, bir oylik maoshi miqdorida jarimaga tortilardi. Bundan tashqari, o‘tkazib yuborilgan har bir mashg‘ulot uchun 100 ming yevroga jazolanardi.

Agar Dembelening bu qilig‘i ortida «Barselona» turgan bo‘lsa, bundan buyon ularni hurmat qilmayman. Futbolchining shartnomani bekor qilishga majburlash - pastkashlik.

Agar «Borussiya» uni 130 million yevroga sotsa, u holda katta yutuqqa erishgan bo‘ladi. Chunki Dembele bu pullarga loyiq futbolchi emas. 130 millionga bir necha Dembeleni sotib olish mumkin», – dedi Hyoness.