Бугун "Машъал" иккинчи давра олдидан жамоага келиб қўшилган футболчилар тақдимотини ўтказди.
Маросимда Умеджон Матмусаев, Ботир Қораев, Никита Павленко ва япониялик легионер Томоки Мураматсу мухлисларга таништирилди.
Тажрибали ҳимоячи, Ботир Қораевга №7, Умеджон Матмусаев №20, Никита Павленко №27, ҳамда Томоки Мураматсу №11 рақамлар туширилган футболкалар топширилди.
Шундан сўнг, янги футболчилар ўз фикрларини айтишди.
Ботир Қораев: "Машъал” мен учун бегона эмас, жамоага тезда қўшилиб кетаман деган умиддаман. Илҳом Абдуғаниевичга раҳмат мени тўғри тушиниб жамоага қабул қилди. Менда жароҳатдан сўнг тикланиш жараёни кетмоқда. Жисмоний ҳолатимни яхшилаб олсам клубга ёрдамим тегади албатта".
Мураматсу Томоки: “Машъал” жамоаси мени қизиқтиргани учун иккиланмасдан клубга қўшилдим. Ўзбекистон чемпионати жуда қизиқарли ва клуб футболчилари ҳам профессионал футболчилар ҳисобланади. Масалан “Машъал” футбол мактаби тарбияланувчиси Фозил Мусаев Японияда тўп сурмоқда. Ўйлайманки “Машъал” мухлисларини ўз ўйиним билан хурсанд қиламан.
Никита Павленко: “Машъал” жамоасида бош мураббийларга катта ишонч билдиришади. Бошқа клублардан ҳам таклифлар бор эди, бироқ мен “Машъал” ни танладим. “Машъал” бошқа клублар сингари эртанги кунда қайси мураббийнинг иш бошлаши ва у билан қай даражада келишиб кета олиш каби ўйловларнинг йўқлиги мени “Газчилар” га жамоасига қўшилишимга сабаб бўлди".
Умиджон Матмусаев: "Рақобат бор жойда ўсиш бўлади. Албатта мен жамоага жамоадошларим ёрдами билан тезда қўшилиб кетаман деган умиддаман. Футбол муҳлислар ўйини. Улар бизни қўллаб қувватлашса биз муҳлисларимиз ишончини оқлаймиз".
