Bugun "Mash’al" ikkinchi davra oldidan jamoaga kelib qo‘shilgan futbolchilar taqdimotini o‘tkazdi.
Marosimda Umedjon Matmusayev, Botir Qorayev, Nikita Pavlenko va yaponiyalik legioner Tomoki Muramatsu muxlislarga tanishtirildi.
Tajribali himoyachi, Botir Qorayevga №7, Umedjon Matmusayev №20, Nikita Pavlenko №27, hamda Tomoki Muramatsu №11 raqamlar tushirilgan futbolkalar topshirildi.
Shundan so‘ng, yangi futbolchilar o‘z fikrlarini aytishdi.
Botir Qorayev: "Mash’al” men uchun begona emas, jamoaga tezda qo‘shilib ketaman degan umiddaman. Ilhom Abdug‘aniyevichga rahmat meni to‘g‘ri tushinib jamoaga qabul qildi. Menda jarohatdan so‘ng tiklanish jarayoni ketmoqda. Jismoniy holatimni yaxshilab olsam klubga yordamim tegadi albatta".
Muramatsu Tomoki: “Mash’al” jamoasi meni qiziqtirgani uchun ikkilanmasdan klubga qo‘shildim. O‘zbekiston chempionati juda qiziqarli va klub futbolchilari ham professional futbolchilar hisoblanadi. Masalan “Mash’al” futbol maktabi tarbiyalanuvchisi Fozil Musayev Yaponiyada to‘p surmoqda. O‘ylaymanki “Mash’al” muxlislarini o‘z o‘yinim bilan xursand qilaman.
Nikita Pavlenko: “Mash’al” jamoasida bosh murabbiylarga katta ishonch bildirishadi. Boshqa klublardan ham takliflar bor edi, biroq men “Mash’al” ni tanladim. “Mash’al” boshqa klublar singari ertangi kunda qaysi murabbiyning ish boshlashi va u bilan qay darajada kelishib keta olish kabi o‘ylovlarning yo‘qligi meni “Gazchilar” ga jamoasiga qo‘shilishimga sabab bo‘ldi".
Umidjon Matmusayev: "Raqobat bor joyda o‘sish bo‘ladi. Albatta men jamoaga jamoadoshlarim yordami bilan tezda qo‘shilib ketaman degan umiddaman. Futbol muhlislar o‘yini. Ular bizni qo‘llab quvvatlashsa biz muhlislarimiz ishonchini oqlaymiz".
