"Барселона" сардори Андрес Иньеста 2018 йил ёзида жамоани тарк этиши мумкин.
33 ёшли яримҳимоячи "блаугранас" билан ҳамон янги шартнома имзоламади.
Испания матбуотининг хабарига кўра, "Ницца" яримҳимоячиси Жан-Мишел Серининг каталонияликлар сафига келиб қўшилиши Иньестанинг кетишига сабаб бўлиши мумкин.
Ивуарлик футболчи Вальверде тактикасининг муҳим бўғимига айланса, Иньеста захира ўриндиғига михланиб қолади, деб ёзмоқда AS.
Агар Коутиньо ҳам таркибга қўшилса, Иньестанинг "Барса"даги фаолиятига нуқта қўйилади. Mundo Deportivo хабарига кўра, у Хитой ёки Қатар чемпионатига кўчиб ўтиши ҳам мумкин.
"Барселона" раҳбарияти эса у билан янги шартнома имзолашга тайёр эканини маълум қилган. Аммо маошини анча қисқартирилган ҳолида.
