"Ливерпуль" клубининг собиқ футболчиси Грэм Сунесс яримҳимоячи Филиппе Коутиньо атрофидаги воқеаларга изоҳ берди.
"Барселона" таклиф қилаётган бунақа катта пулга одатда футболчиларни қўйиб юборишади. "Ливерпуль" ўрнида бўлсам, худди шу ишни қилардим.
Коутиньо шу даражада зўрми? Бунақа пулга лойиқ футболчи ўйин тақдирини ҳал қила олиши керак, аммо Филиппеда бундай хусусиятни кўрмаяпман. Ҳа, у яхши дриблингга эга, чиройли гол уради, бироқ бундай катта пулга лойиқ эмас.
У Суарес ёки Неймар эмас. Мавсум давомида бо йўғи 6-7та гол урмоқда ва муҳим ўйинларда ўзини ҳар доим намоён қилолмаяпти" - деди Сунесс talkSPORT хабарида.
Эслатиб ўтамиз, яқинда "Барселона" Коутиньо трансфери учун 138 млн евро таклиф қилган эди.
