Европа чемпионлар лигасида саралаш босқичи якунига етиб, мусобақанинг гуруҳ босқичида иштирок этадиган барча 32 жамоанинг номи аниқ бўлди. Демак, қуръа ташлаш учун ҳамма нарса тайёр. Ушбу маросим ҳақида батафсил маълумот бериб ўтамиз.

Қачон ва қаерда?
Қуръа ташлаш маросими бугун, 24 август куни Тошкент вақти билан 22:00да бошланади. Тадбир Монакода бўлиб ўтади.

Саватчалар таркиби:
Жамоалар қуръа ташлаш жараёнида тўрт саватчага ажратилади.

1-саватча: "Реал" (Испания), "Бавария" (Германия), "Челси" (Англия), "Ювентус" (Италия), "Монако" (Франция чемпионати), "Бенфика" (Португалия), "Спартак" (Россия) ва"Шахтёр" (Украина).

2-саватча: "Барселона", "Атлетико", "Севилья" (барчаси - Испания), "Манчестер Сити", "Манчестер Юнайтед" (иккласи ҳам - Англия), "Боруссия", (Дортмунд, Германия), ПСЖ (Франция) ва "Порту" (Португалия).

3-саватча: "Наполи", "Рома" (иккаласи ҳам - Италия), "Тоттенҳэм", "Ливерпуль" (иккаласи ҳам - Англия), "Базель" (Швейцария), "Олимпиакос" (Греция), "Андерлехт" (Бельгия), "Бешиктош" (Туркия).

4-саватча: ЦСКА (Россия), "Селтик" (Шотландия), "Фейеноорд" (Нидерландия), "Марибор" (Словения), "Лейпциг" (Германия), "Қорабоғ" (Озарбайжон), АПОЭЛ (Кипр), "Спортинг" (Португалия).

Қуръа механизми
Битта саватчадан ўрин олган жамоалар бир гуруҳдан ўрин олмайди. Шунингдек, бир мамлакат вакиллари битта гуруҳга тушмайди.

Маросим давомида ёшлар ўртасидаги ЕЧЛ баҳсларига ҳам қуръа ташланади.

Қуръа ташлаш маросимида қуйидаги совринлар тақдим этилади:
— УЕФА версияси бўйича йилнинг энг яхши футболчиси;
— УЕФА версияси бўйича йилнинг энг яхши аёл футболчиси;
— Европа чемпионлар лигаси-2016/17нинг энг яхши дарвозабони;
— Европа чемпионлар лигаси-2016/17нинг энг яхши ҳимоячиси;
— Европа чемпионлар лигаси-2016/17нинг энг яхши ярим ҳимоячиси;
— Европа чемпионлар лигаси-2016/17нинг энг яхши ҳужумчиси;

Ўйинлар қачон бўлиб ўтади?
Гуруҳ босқичи 6 турдан иборат бўлади ва ўйинлар қуйидаги саналарда ўтказилади:

1-тур — 12/13 сентябрь
2-тур — 26/27 сентябрь
3-тур — 17/18 октябрь
4-тур — 31 октябрь/1 ноябрь
5-тур — 21/22 ноябрь
6-тур — 5/6 декабрь

Кейинчи?
Гуруҳларда 1 ва 2 ўринни эгаллаган клублар нимчоракфиналга йўлланма олади. 3-ўрин эгалари Европа лигаси плей офф босқичида иштирок этади. Ничорак финалга қуръа ташлаш маросими 11 декабрь куни Ньон шаҳрида, Тошкент вақти билан 16:00да бошланади.