Европа лигасининг ушбу мавсумида саралаш босқичи якунига етиб, гуруҳ босқичида иштирок этадиган барча жамоалар номи аниқ бўлди. Бугун мусобақага қуръа ташлаш маросими бўлиб ўтади. Қуръа билан боғлиқ маълумотлар билан таништириб ўтамиз.

Қачон ва қаерда?
Европа лигасига қуръа ташлаш маросими бугун, 25 август куни Монакода бўлиб ўтади. Маросим Тошкент вақти билан 16:00да бошланади.

Саватчалар таркиби
48та жамоа қуръа жараёнида 4та саватчага ажратилади.

1-саватча: «Арсенал», «Зенит», «Лион», «Динамо» Киев, «Вильярреал», «Атлетик», «Лацио», «Милан», «Виктория Пльзень», «Ред Булл Зальцбург», «Копенгаген», «Брага».

2-саватча: «Стяуа», «Лудогорец», БАТЭ, «Эвертон», «Янг Бойз», «Марсель», «Реал Сосьедад», «Маккаби» Тель-Авив, «Локомотив», «Аустрия», «Герта», «Ницца».

3-саватча: «Астана», «Партизан», «Хоффенхайм», «Кёльн», «Риека», «Витория Гимарайнш», «Аталанта», «Зюлте-Варегем», «Заря» Луганск, «Русенборг», «Шериф», «Хапоэль» Беэр-Шева.

4-саватча: «Аполлон» Лимасол, «Истанбул ББ», «Коньяспор», «Витесс», «Славия» Прага, «Црвена Звезда», «Скендербеу», «Злин», АЕК Афина, «Лугано», «Вардар», «Эстерсунд».

Қуръа жараёни
Қуръа жараёнида жамоалар 12та гуруҳга бўлинишади. Битта саватчадан ўрин олган клублар бир гуруҳдан ўрин олишмайди. Шунингдек, бир мамлакат клублари ҳам бир гуруҳга тушмайди.

Қуръа жараёнида Европа лигаси 2016/2017 йилги мавсумининг энг яхши футболчисига соврин топширилади.

Гуруҳ босқичи ўйинлари қачон бўлиб ўтади?

1-тур: 14 сентябрь
2-тур: 28 сентябрь
3-тур: 19 октябрь
4-тур: 2 ноябрь
5-тур: 23 ноябрь
6-тур: 7 декабрь

Кейинчи?
Гуруҳларда бир ва иккинчи ўринларни эгаллаган жамоалар Европа лигасининг 1/16 финал босқичига йўл олади. Улар сафига Европа чемпионлар лигаси гуруҳ босқичида 3-ўринни олган 8та клуб қўшилади. 1/16 финал босқичига қуръа ташлаш маросими 11 декабрь куни бўлиб ўтади.