Yevropa ligasining ushbu mavsumida saralash bosqichi yakuniga yetib, guruh bosqichida ishtirok etadigan barcha jamoalar nomi aniq bo‘ldi. Bugun musobaqaga qur’a tashlash marosimi bo‘lib o‘tadi. Qur’a bilan bog‘liq ma’lumotlar bilan tanishtirib o‘tamiz.

Qachon va qayerda?
Yevropa ligasiga qur’a tashlash marosimi bugun, 25 avgust kuni Monakoda bo‘lib o‘tadi. Marosim Toshkent vaqti bilan 16:00da boshlanadi.

Savatchalar tarkibi
48ta jamoa qur’a jarayonida 4ta savatchaga ajratiladi.

1-savatcha: «Arsenal», «Zenit», «Lion», «Dinamo» Kiyev, «Vilyarreal», «Atletik», «Lasio», «Milan», «Viktoriya Plzen», «Red Bull Zalsburg», «Kopengagen», «Braga».

2-savatcha: «Styaua», «Ludogores», BATE, «Everton», «Yang Boyz», «Marsel», «Real Sosyedad», «Makkabi» Tel-Aviv, «Lokomotiv», «Austriya», «Gerta», «Nissa».

3-savatcha: «Astana», «Partizan», «Xoffenxaym», «Kyoln», «Riyeka», «Vitoriya Gimaraynsh», «Atalanta», «Zyulte-Varegem», «Zarya» Lugansk, «Rusenborg», «Sherif», «Xapoel» Beer-SHeva.

4-savatcha: «Apollon» Limasol, «Istanbul BB», «Konyaspor», «Vitess», «Slaviya» Praga, «Srvena Zvezda», «Skenderbeu», «Zlin», AYEK Afina, «Lugano», «Vardar», «Estersund».

Qur’a jarayoni
Qur’a jarayonida jamoalar 12ta guruhga bo‘linishadi. Bitta savatchadan o‘rin olgan klublar bir guruhdan o‘rin olishmaydi. Shuningdek, bir mamlakat klublari ham bir guruhga tushmaydi.

Qur’a jarayonida Yevropa ligasi 2016/2017 yilgi mavsumining eng yaxshi futbolchisiga sovrin topshiriladi.

Guruh bosqichi o‘yinlari qachon bo‘lib o‘tadi?

1-tur: 14 sentyabr
2-tur: 28 sentyabr
3-tur: 19 oktyabr
4-tur: 2 noyabr
5-tur: 23 noyabr
6-tur: 7 dekabr

Keyinchi?
Guruhlarda bir va ikkinchi o‘rinlarni egallagan jamoalar Yevropa ligasining 1/16 final bosqichiga yo‘l oladi. Ular safiga Yevropa chempionlar ligasi guruh bosqichida 3-o‘rinni olgan 8ta klub qo‘shiladi. 1/16 final bosqichiga qur’a tashlash marosimi 11 dekabr kuni bo‘lib o‘tadi.