Бугун — 25 август куни бокс бўйича Жаҳон чемпионати Германиянинг Гамбург шаҳрида старт олди.
Унда Ўзбекистон шарафини ҳимоя қилаётган 10 нафар чарм қўлқоп устасидан 2 таси айнан бугун рингга кўтарилади. Улардан бири Санжар Турсунов.
Санжар Турсунов Тошкентда ўтган Осиё чемпионатининг плей-оффида зафар қучиб, мундиал чиптасига эга чиққанди. -91 килограмм вазн тоифасида жанг қиладиган мазкур боксчи қитъа чемпионатини медалсиз якунлаган ягона ўзбекистонлик ҳисобланади. Қолган 9 иштирокчи олтин медални қўлга киритганди.
Жаҳон чемпионати жангларини Ўзбекистон ҳудудида трансляция қилишнинг эксклюзив ҳуқуқини харид қилган UzReport телеканали 17:00 дан бошлаб Жаҳон чемпионатининг очилиш маросими олиб беради ва бир қатор жангларни кўрсатади.
Тунги 00:15 дан бошлаб трансляциялар давом эттирилади. Жангларнинг боришига қараб мана шу вақтдан кейин Санжар Турсунов рингга кўтарилади.
