"Ливерпуль" бош мураббийи Юрген Клопп Чемпионлар лигаси қуръасининг ўтказилиш жараёнидан норози бўлди.

Маълумки, қуръа пайтида бир неча бор танаффус қилиниб, Роналду ва бошқа футболчилар тақдирланган эди.

«Биз футболчилар билан машғулотлардан сўнг қуръани томоша қилдик. Аммо негадир у Роналду ва бошқа футболчилар учун танаффуслар билан чўзилиб кетди. Очиғи, буни тушунмадим" - деди Клопп.

Mirror нашрининг ёзишича, футболчиларни тақдирлаш жараёни қуръадан ажратилган ҳолда ўтказилиши ҳам мумкин эди. Натижада, бир неча дақиқалик қуръа деярли бир соатга чўзилиб кетди.

Эслатиб ўтамиз, «Ливерпуль» клуби «Спартак», «Севилья» ва «Марибор» билан бир гуруҳдан жой олди.