"Liverpul" bosh murabbiyi Yurgen Klopp Chempionlar ligasi qur’asining o‘tkazilish jarayonidan norozi bo‘ldi.
Ma’lumki, qur’a paytida bir necha bor tanaffus qilinib, Ronaldu va boshqa futbolchilar taqdirlangan edi.
«Biz futbolchilar bilan mashg‘ulotlardan so‘ng qur’ani tomosha qildik. Ammo negadir u Ronaldu va boshqa futbolchilar uchun tanaffuslar bilan cho‘zilib ketdi. Ochig‘i, buni tushunmadim" - dedi Klopp.
Mirror nashrining yozishicha, futbolchilarni taqdirlash jarayoni qur’adan ajratilgan holda o‘tkazilishi ham mumkin edi. Natijada, bir necha daqiqalik qur’a deyarli bir soatga cho‘zilib ketdi.
Eslatib o‘tamiz, «Liverpul» klubi «Spartak», «Sevilya» va «Maribor» bilan bir guruhdan joy oldi.