«Интер»нинг хўжайини Эрик Тоҳир оддий саволга жавоб бера туриб, каттагина қовун туширди.
Индонезиялик тадбиркор интервью чоғида «Интер»нинг тарихини ашаддий рақиби бўлмиш «Милан»ники билан адаштириб юборди.
«Футбол жамоасини сотиб олганингизда фақат бизнес ҳақида ўйламайсиз. Сиз бу жамоани яхши кўришингиз шарт.
Мен «Интер»га голландиялик трио тўпланган ва Роналдо сотиб олинганидан буён мухлислик қиламан», — деди Тоҳир Football Italia хабарида.
Маълумки, голландиялик трио - Рууд Гуллит - Марко ван Бастен - Франк Райкаард 90-йилларда "Милан" таркибида ўйнаган.
