"Ливерпуль" клубининг собиқ футболчиси Жейми Каррагер "Арсенал" устози Арсен Венгер зудлик билан истеъфога чиқарилиши керак деб ҳисобламоқда.

Маълумки, АПЛ 3-турида "канонирлар" сафарда "Ливерпуль" клубига 0:4 ҳисобида ютқазган эди.
"Бу бир фильмни қайта-қайта кўришга ўхшаяпти. "Арсенал" Венгерни истеъфога чиқаришдан қўрққан. У - афсона, лекин мураббийни алмаштириш керак. Ўтган мавсумда "Арсенал"ни қўрқоқликда айблаганимда, жуда кўп одамлар дарғазаб бўлган эди. Аммо яна бир бор айтаман: "Улар - қўрқоқ!". Венгерга хусуматим йўқ, аммо натижа бўлмаса, мураббий кетиши керак" - деди Каррагер The Daily Mail хабарида.

Эслатиб ўтамиз, АПЛ 3 туридан сўнг "Арсенал" ҳисобида бор йўғи 3 очко бор.