«Барселона» трансфер комиссияси аъзоси Ариедо Брайда каталонияликлар клуби етакчилари борасидаги хабарларга муносабат билдирди.

Бундан аввалроқ, Андрес Иньеста «Ювентус»га кетиши, шартномасини узайтирмаётган Лионель Месси «Манчестер Сити»га йўл олиши мумкинлиги ҳақидаги хабарлар тарқалганди. Бу футболчилар жамоанинг трансфер сиёсатидан норози эканликларини ифода қилишган.

«Иньеста «Ювентус»га кетади дейсизми? Йўқ. Бизнинг футболчилар сотилмайди. Бу гап Мессига ҳам тааллуқли. У – ҳақиқий профессионал ва жон дили билан «Барселона»ни севади. Албатта, футболда ҳеч нарсани аниқ айтиб бўлмайди, аммо мен Лионель кетади деб ўйламайман», – дея клуб вакили сўзларини келтирган Goal.