Франциянинг “ПСЖ” клуби ҳозир қайси трансферга қўл урса, иши ўнгидан келмоқда.
Неймарни сотиб оламан деди, сотиб олди. Мбаппени харид қиламан деди, мана, “Монако” қанчалик қаршилик кўрсатмасин, барибир, рози бўлди. Айрим маълумотларга кўра, бугун кечқурун Мбаппенинг трансферига якун ясалади. Дани Алвесни олишни истаганди, шундоққина “Манчестер Сити”нинг бурининг тагидан илиб кетди. Охирида француз клуби “Наполи” посбони Пепе Рейнага қизиқиш билдирганди, бироқ “Наполи” президенти “ПСЖ”нинг ковушини тўғрилаб қўйди.
