Португалия терма жамоаси ҳужумчиси Криштиану Роналду Фарер оролларига (5:1) қарши ЖЧ-2018 саралаши ўйинида учта гол урди.
Тўплардан бири "қайчи" услубидаги зарбадан кейин дарвозадан жой олган эди.
«Бундай гол уришни кўпдан буён орзу қилардим. Унинг такрорий лавҳасини ҳали кўрмадим, умид қиламанки, ҳали у билан завқланаман.
Дисквалификация туфайли "Реал"нинг яна иккита ўйинини ўтказиб юбораман. Шу туфайли ҳозир диққат-эътиборим терма жамоа ўйинига қаратилган», — деди Роналду.













