"Сантьяго Бернабеу"да ўтган Испания – Италия (3:0) ЖЧ-2018 саралаш ўйинида "Барселона" ҳимоячиси Жерар Пике мухлислар томонидан илиқ кутиб олинмади.
AS хабарига кўра, жамоаларнинг таркиби эълон қилинаётганда, Пике номи янграши билан мухлислар ҳуштакбозлик қилишди. Бундан ташқари, ўйин пайтида ҳам Пике тўпга эгалик қилиши биланоқ, мухлислар томонидан ҳуштак янграб турди.
Эслатиб ўтамиз, Пике Каталониянинг Испаниядан ажралиб чиқиш тарафдори ҳисобланади. Шу туфайли, уни Испания терма жамоаси ўйинларида мухлислар хушламайди.
Аввалроқ, Серхио Рамос мухлисларни Пике шаънига ҳуштакбозлик қилишдан қайтарган эди.