Ўзбекистон - Жанубий Корея ўйини олдидан бош мураббий Самвел Бабаян журналистлар саволига жавоб берди.
"Хитой билан ўйинда биз ғалабага ҳақли эдик. Ўйинни ҳакамлар бузди. Айниқса, пенальти билан боғлиқ вазият ҳақида узоқ баҳслашиш мумкин, – деди Бабаян.
Шунингдек, ОАВ ходимлари томонидан йўлланган Самвел Бабаяннинг истеъфоси ҳақидаги саволга мураббий қуйидагича жавоб берди:
– Менга бу саволни жуда кўп беришди. Яна қайтариб айтаман, менинг қачон истеъфога чиқишимни Ўзбекистон футбол федерацияси ҳал қилади. Раҳбариятнинг ҳар бир қарорини шу заҳотиёқ бажаришга тайёрман" - деди Бабаян.
