«Барселона» клуби трансфер қоидаларига ўзгариш киритилишига уринмоқда.
Бу ҳақда клуб президенти Хосеп Бартомеу хабар берди.
«Трансфер бозорида нархлар кўтарилиб кетди, бу футболга боғлиқ бўлмаган омиллар асосида юз бермоқда. Биз УЕФА ва ФИФА билан ҳамкорлик қилиб, трансфер нархларини чеклаш бўйича иш олиб боряпмиз.
Нимадир қилиш керак, футболдан ташқари шахслар, давлатлардан пул келишини чеклаш лозим. Ҳа, айнан Қатар ва БАА ҳақида гапирмоқдаман. Бу давлатларнинг Европада иккита клуби бор.
«Бавария», «МЮ», «Реал» ёки «Арсенал» футболчи харид қилса, пулларнинг футболдан келганини биласиз. Аммо ўша иккита клуб трансфер бозорини вайрон қилишди», – деди Бартомеу Sport.es хабарида.
