"Реал" тарбияланувчиси Эстебан Гранеро "Барселона" футболчилари Лионель Месси ва Жерар Пике билан боғлиқ қизиқ воқеани айтиб берди.

"Меҳмонхонада Пикени кўриб қолдим. Ўша пайтда уларни доим мағлуб этардик. Пике менга: "Бу йил сизларни мағлуб этамиз. Ҳа, чунки бизда буюк футболчи бўлиб етишадиган йигит бор" - деди ва бассейн томонга ишора қилди.

Қарасам, кичкинагина болакай бассейн четида оёғини сувга осилтириб, ҳаёлга чўмиб ўтирган экан.

Пике ҳар доим ҳазилкаш бўлгани учун, бу гапини жиддий қабул қилмадим. Ўшанда Мессини биринчи марта кўрган эдим.

Эртасига улар бизни 3:0 ҳисобида янчиб ташлашди" - деди 30 ёшли футболчи El Pais хабарида.