"Реал" бош мураббийи Зайниддин Зидан "Барселона" клубининг Испания чемпионати таркибидан чиқиши мумкинлиги ҳақидаги хабарга изоҳ берди.
Маълумки, октябрь ойида Каталония ҳудуди Испаниядан ажралиб чиқиш учун референдум ўтказишга тайёргарлик кўрмоқда.
"Нима дейишим мумкин, "Барселона"сиз Испания чемпионатини тасаввур қилолмаяпман. Футбол мухлиси сифатида буни миямга сиғдиролмаяпман, бу воқеа юз бериши мумкин эмас.
"Барселона" ҳар доим Ла Лигада тўп суриши керак. Умид қиламанки, у Испанияни тарк этмайди" - деди мутахассис El Mundo Deportivo хабарида.
