Олий лиганинг 20-турида "Сўғдиёна" сафарда "Обод" га қарши баҳс олиб борди ва 4:2 ҳисобида ғалаба қозонди.
Ўйиндан сўнг жамоа посбони Музаффар Абдуллаев баҳс борасидаги фикрлари билан бўлишди.
"Бугунги ўйинда ғалабага эришдик. Жамоадошларим майдонда борини бериб ўйнади ва уларга миннатдорчилик билдираман. Бу ғалабани жиззахлик муҳлисларимизга бағишлаймиз. Бугунги ўйинда Жиззахдан келиб бизни қўллаб-қувватлаб турганлари бизга ўйинда янада куч бағишлади. Иккинчи давра бошиданоқ оғир ўйинлар ўтказдик ва бизга ғалаба сув ва ҳаводек зарур эди. Жамоадошларим ҳам буни тушуниб турган эди. Ғалаба билан барчани табриклайман" - деди Абдуллаев.
