Oliy liganing 20-turida "So‘g‘diyona" safarda "Obod" ga qarshi bahs olib bordi va 4:2 hisobida g‘alaba qozondi.
O‘yindan so‘ng jamoa posboni Muzaffar Abdullayev bahs borasidagi fikrlari bilan bo‘lishdi.
"Bugungi o‘yinda g‘alabaga erishdik. Jamoadoshlarim maydonda borini berib o‘ynadi va ularga minnatdorchilik bildiraman. Bu g‘alabani jizzaxlik muhlislarimizga bag‘ishlaymiz. Bugungi o‘yinda Jizzaxdan kelib bizni qo‘llab-quvvatlab turganlari bizga o‘yinda yanada kuch bag‘ishladi. Ikkinchi davra boshidanoq og‘ir o‘yinlar o‘tkazdik va bizga g‘alaba suv va havodek zarur edi. Jamoadoshlarim ham buni tushunib turgan edi. G‘alaba bilan barchani tabriklayman" - dedi Abdullayev.
