Олий лигадан ўрин олган "Металлург" - "Пахтакор" (1:3) ўйинидан сўнг, мезбонлар устози Рустам Мирсодиқов ўз фикрларини айтди.

“Пахтакор”га қарши учрашув оғир кечишини билгандик. Бунинг устига асосий таркибни уч нафар етакчи ўйинчиси майдонга тушмаслиги вазифамизни янада қийинлаштирди. Афсуски, бугунги олинган сариқ карточкалар туфайли кейинги ўйинда ҳам бизга етарлича бош оғриғи туғилди. Аммо тан олиш керак, бугун биз номдор рақибга муносиб қаршилик кўрсатдик. Агар яратилган вазиятлардан футболчиларимиз унумли фойдаланишганида ижобий натижага эришишимиз ҳам мумкин эди. Ёш футболчиларимиздан Санжар Қодирқулов учрашувнинг энг фаол ўйинчиси сифатида қайд этилганидан хурсандман. Бўлғуси учрашувларда ҳам ёшларга ишонишда давом этамиз" - деди Рустам Мирсодиқов.