«Шанхай Шэнхуа» клубининг янги бош мураббийи У Цзинсу юлдуз футболчилардан ҳайиқмаслигини намойиш қилди.
Sky Sports хабарига кўра, мутахассис жамоа етакчилари бўлмиш Карлос Тевес ва Фредди Гуаринни ортиқча вазни туфайли асосий таркибдан четлатди.
«Тевес бугунги кунда жисмонан тайёр эмас. Гуарин билан иккаласида ортиқча вазн бор. Мен натижа учун жавобгарман, футболчилар учун эмас. Агар жамоанинг ютуғини таъминлаш учун қўлингиздан ҳеч нарса келмаса, таркибга киритилмайсиз.
Мен жуда кўп юлдузлар билан ишлаганман ва мен учун футболчининг обрўси ҳеч қандай аҳамиятга эга эмас», — деди Цзиньсу.
Эслатиб ўтамиз, Карлос Тевес дунёнинг энг кўп маош олувчи футболчиларидан бири ҳисобланади. Тахминларга кўра, унинг меҳнат ҳақи йилига 30 млн еврога яқин.
Жорий мавсумда у 12та ўйинда майдонга тушиб, бор йўғи иккита гол урган.
