“Бухоро” 16 сентябрь куни Олий лиганинг навбатдаги турида “Динамо”ни қабул қилади.
Самарқанднинг “Динамо” жамоасини 1960 йилда ташкил топганлиги ҳақида маълумотларга эгамиз. Жамоа илгари “Мараканда”, “Афросиёб”, “Самарқанд” номи остида ҳам чемпионатда иштирок этган.
Жамоа тарихидаги “Энг яхши тўпурар” Тимур Искандеров бўлади. Собиқ футболчи 1998 йили биринчи лигада рақиблар дарвозасига 30та (!) тўп киритиб, тўпурар бўлганди. Мухлисларга яхши эсласа керак, ўша мавсумда “Динамо” 2-ўринни қўлга киритганди.
“Динамо”га бу йил Олег Тюлькин устозлик қилаётгани барча яхши маълум бўлса керак. Жамоа таркибида Раду Рогак (Молдовия) ва Аднан Ораховац (Черногория) легионер сифатида ўйнаб келмоқда. Жамоа уй учрашувларини Самарқанддаги “Динамо” номли стадионда ўтказади. Ушбу арена ўз бағрига 13 800 нафар томошабинни сиғдира олади.
Самарқандликлар ўтган турда ўз уйида “Қўқон-1912” билан ўйнаб, нурсиз дуранг қайд этганди.
Жамоа ҳозиргача ўз активига 21 очко ёздириб қўйишга эришди. Турнир жадвалида эгаллаб турган ўрни эса – 12–ўриндир.
БИРИНЧИ ДАВРАДА “ДИНАМО”НИНГ ҚЎЛИ БАЛАНД КЕЛГАНДИ
Ёдингизда бўлса керак, ушбу жамоаларнинг жорий мавсумдаги илк учрашуви Самарқандда кечганди. Мазкур баҳсда мезбонлар устунликка эришиб, ўз ҳисобига уч очкони ёздириб қўйганди. Кўрамиз, Бухородаги баҳсда кимнинг кўчасида байрам бўлар экан.
15.04.2017. 6 тур.“Динамо” – “Бухоро” - 3:1 (1:0)
Голлар: Ориф Мамаджонов, 21 (1:0), Жавоҳир Қаҳрамонов, 57 (2:0), Баҳриддин Ваҳобов, 64 (2:1), Амиржон Сафаров, 90+3 (3:1).
“БУХОРО” – “ДИНАМО”. ЎЗАРО ЎЙИНЛАРНИНГ УМУМИЙ СТАТИСТИКАСИ
Ўзаро ўйинлар – 43та.“Бухоро”нинг ғалабаси -20та.“Динамо”нинг ғалабаси – 16та.Дуранглар сони- 7та. “Бухоро”нинг урган умумий голлари сони – 58та.“Динамо”нинг урган умумий голлари сони – 56та. “Бухоро”нинг энг йирик ҳисобдаги ғалабаси – 6:0.“Динамо”нинг энг йирик ҳисобдаги ғалабаси – 4:1, 3:0. “Бухоро”нинг ўзаро ўйинлардаги очколари сони – 67та.“Динамо”нинг ўзаро ўйинлардаги очколари сони – 55та.
“БУХОРО” – “ДИНАМО” УЧРАШУВИ ҲАКАМЛАРИ МАЪЛУМ
Олий Лига,
21-тур 16 сентябрь, шанба
“Бухоро” – “Динамо”
Бош ҳакам: Рустам Бобомуродов (Навоий).Қанот ҳакамлари: Равил Шояхметов (Тошкент), Алишер Усмонов (Тошкент).Захирадаги ҳакам: Фирдавс Норсафаров (Қарши).Назоратчи: Артём Арутюнов (Тошкент).ЎзПФЛ вакили: Бахтиёр Маметов.“Бухоро” матбуот хизмати.
