"Барселона" ярим ҳимоячиси Иван Ракитич соч турмагини бироз ўзгартиришга қарор қилди.
Хорватиялик футболчи янги соч турмагига эга бўлди ва сочини оч сариқ-қўнғир рангга бўяди. Бундай услубдаги соч ўтган мавсумда футболчилар ўртасида урф бўлганди. Жумладан, Лионель Месси ва Неймар шундай тусга киришганди.
Иван Ракитич жамоанинг кеча бўлиб ўтган машғулотига янги қиёфада ташриф буюрди. Шундан сўнг "Барса" Испания Ла лигасининг 4-тури доирасида бўлиб ўтадиган "Хетафе"га қарши ўйин учун жўнаб кетди. Учрашув бугун, 16 сентябрь куни Тошкент вақти билан 19:15да бошланади.
