Бугун Олий лиганинг 21-тури марказий учрашуви Қарши шаҳридаги “Марказий” стадионимизда бўлади. Унда “Насаф” чемпионат пешқадами “Локомотив” жамоаси билан баҳс юритади.

ЎзПФЛ, 21-тур
“Насаф” (Қарши)  - “Локомотив” (Тошкент)
16.09.2017. “Марказий” стадиони. Соат 18:45да
Бош ҳакам: Ильгиз Танташев (Тошкент)
Ёрдамчи ҳакамлар: Ҳусниддин Шодмонов (Бухоро), Абдураҳмон Қўлдошев (Бухоро)
Захира ҳаками: Элёр Турсунов (Бухоро)
Назоратчи:  Игорь Нехочин (Наманган)
ЎзПФЛ вакили: Бобур Ҳайдаров.

Бу учрашувнинг аҳамияти жуда юқори. “Насаф” қандай бўлмасин ғалаба қозониши керак. Бугун ҳар иккала жамоа учун қийин учрашув бўлишини олдиндан тахмин қилиш  мумкин.

Аммо “Насаф” учрашувни ўз майдонида ўтказади. Бу озгина бўлсада қаршиликларга куч ва руҳ бағишлайди.

Буни қуйидаги натижалар ҳам айтиб турибди.

Мазкур жамоалар Қаршида шу пайтгача 12 марта ўзаро куч синашганлар. Бу учрашувларнинг 8тасида мезбонлар ғалаба қозонган, 3 учрашувда “Локомотив”нинг қўли баланд келган, қолган 1 учрашувда дурангга имзо чекилган. Қаршидаги ўзаро учрашувларда жами дарвозаларга 39та тўп киритилган, тўплар нисбати - 24-15ни ташкил этмоқда. Демак, тўплар нисбати бўйича ҳам устунлик "Насаф" томонида.

“Насаф” сўнгги бор “Локомотив”ни Қаршида 2015 йили кичик 1:0 ҳисобида мағлубиятга учратган. “Локомотив” жамоаси ўтган йилги Қаршидаги учрашувда 2:1 ҳисобида “Насаф”дан устун келган.

Қаршидаги  сўнгги беш учрашув натижалари.

2016 йил. “Насаф” - “Локомотив”   1:2
2015 йил. “Насаф” - “Локомотив”   1:0
2014 йил. “Насаф” - “Локомотив”  2:5
2013 йил. “Насаф” - “Локомотив”   2:1
2012 йил. “Насаф” - “Локомотив”  0:2

“Марказий”даги марказий учрашувга  марҳамат қилинг!