“Челси” клуби ва Англия терма жамоаси собиқ футболчиси Фрэнк Лэмпард “Манчестер Юнайтед”нинг Европа Чемпионлар лигаси мусобақасидаги имкониятлари хусусида тўхталиб ўтди.
Ишонч билан айтаман, “МЮ” – гуруҳдан бемалол чиқади. Чунки уларнинг таркибида жуда кучли футболчилар тўпланган.
Жамоани эса Моуриньодек тажрибали мураббий бошқармоқда. Улар камида турнирнинг чорак финалига қадар етиб боришади.
Моуриньо - уларнинг асосий фигураси ҳисобланади. Бунга биз Европа лигасида ўтган мавсум гувоҳ бўлгандик”, - дейди Лэмпард.
Эслатиб ўтамиз, “қизил иблислар” ЕЧЛнинг биринчи турида “Базель”ни йирик 3:0 ҳисобида мағлубиятга учратишганди.
