«Манчестер Сити» бош мураббийи Хосеп Гвардиола ҳужумчи Серхио Агуэрони мақтади.
Футболчи «Уотфорд»га қарши ўйинда ҳет-трикка эришиб, клуб сафидаги голлари сонини 175тага етказиб олди. Энди у "шаҳарликлар" рекордчиси Эрик Брукдан 2 гол орқада бормоқда.
«Умид қиламанки, Агуэро тез орада бу рекордни янгилайди. Клуб ўз стадионида бу воқеани байрамдек нишонлаши мумкин. Серхио - афсона, у клуб тарихининг бир қисмидир.
Мен унинг меҳнаткашлигига шубҳа қилмаганман. Аммо унинг нафақат гол уришини, балки майдонда ўйин намойиш этишини, ҳимояланишини ҳам истайман. Барча футболчиларим ҳимояланиши ва гол уриш учун ҳаракат қилишини лозим» - деди Гвардиола.
