"Бухоро" - "Динамо" (0:0) учрашувидан кейин, "Динамо" устози Олег Тюлькин ўйин ҳақидаги фикрларини билдириб ўтди.

"Бугун майдондаги баҳс шиддатли ва жиддий курашлар остида ўтишини билардик. Йигитларимиз рақибнинг ҳужумларини тартиб билан қайтариб, айниқса ҳимояда анча яхши ўйин намойиш этдик.

Умуман олганда, “Бухоро”нинг айни дамда 2-ўринда бораётганлигини инобатга олсак, Бухородан дуранг билан қайтиш ёмон натижа эмас. Сўнгги тўрт учрашувнинг кетма-кет уч ўйинида пешқадамлар “Пахтакор”, “Қўқон-1912”, энди “Бухоро” билан тенгма-тенг ўйин намойиш этиб, 0:0 ҳисобидаги дуранг қайд этаяпмиз. Йигитларимиз ўз кучларига ишониб, энди голлар ҳам уришимиз керак.

Чинданам, мавсум бошида пешқадамлик қилган эдик, аммо кейинчалик гоҳида омадимиз келмади, футболчиларимиз жароҳат олишди, гоҳида зарур очколарни йўқотдик. Якунда жадвалда пасайиш кузатилди. Энди вазиятни яхшилаш керак" - деди Тюлькин.