"Лестер" яримҳимоячиси Адриен Силва Португалияга қайтиб кетди.
Маълумки, "Спортинг" футболчиси ёзда "Лестер" билан шартнома имзолаган, бироқ клуб зарур ҳужжатларни ФИФА ташкилотига жўнатишга кечиккан эди. Натижада, унинг трансфери ташкилот рўйхатидан ўтказилмади.
"Ҳозирча Адриен Силва Португалияга кетди. У яқин орада ота бўлади ва вақтини оиласи билан ўтказади. Кейин эса кўрамиз" - деди "Лестер" бош мураббийи Крэйг Шекспир Sky Sports хабарида.
Энди Адриен Силва олдида икки йўл бор: у "Лестер" сафида қолиб, қишки трансфер ойнаси очилишини кутади ёки "Спортинг" клубига қайтиб кетади.
