"Челси" ярим ҳимоячиси Эден Азар келажакда Франция чемпионатига қайтиш мумкинлигини инкор қилмади.

"Қачондир Францияга қайтишимга тўғри келса, фақат "Лилль" сафига қўшиламан. Ҳозирда Лига-1 юлдузлар ташриф буюрадиган чемпионатга айланди. Ҳаттоки 6 йил аввал мен у ерда ўйнаганимда, чемпионат анча қизиқарли эди. Францияда кучли жамоалар кўп.

Антонио Конте? У ҳақиқатан ҳам яхши мураббий. У ўз маҳоратини нафақат "Челси"да, балки "Ювентус"да ҳам кўрсатган. Биз кўп меҳнат қиламиз. Меҳнат – ғалабаларнинг калити. "Челси" майдонда нима қилиш кераклигини билади. Бунга эса оғир машғулотлар ва тактика бўйича машқлар орқали эришилади", – деди Азар.

Эслатиб ўтамиз, Азар 2007-2012 йиллар давомида "Лилль" шарафини ҳимоя қилган.