"Пари Сен-Жермен" ҳужумчилари Эдинсон Кавани ва Неймар орасидаги зиддият тафсилотлари маълум бўлди.
Дастлаб, Франция чемпионатидан ўрин олган "Лион"га (2:0) қарши ўйинда футболчилар пенальтини ким тепиши кераклиги борасида тортишиб қолишди. 79-дақиқада Неймар "нуқта"дан тўпни тепишга яқинлашганида, Кавани унга йўл бермади. Натижада, уругвайлик футболчи пенальтини тепди ва уни аниқ амалга оширолмади.
L`Еquipe хабарига кўра, можаро кийиниш хонасида ҳам давом этган. Кавани Неймарга ўз эътирозини билдирганида, қизиққон бразилиялик унинг ёқасидан олган. Аммо уларни Тиаго Силва ажратиб қолишга муваффақ бўлган.
