Ўзбекистон футбол федерацияси Ўзбекистон болалар футболини ривожлантириш бўйича бир қатор ишларни амалга оширади. Бу ҳақда ташкилотнинг асосий устувор вазифаларида кўрсатиб ўтилган.

Унга кўра, ЎФФнинг вазифаларидан бири сифатида Болалар ва ўсмирлар футболини қинғирликлардан тозалаш, ёшларнинг футбол мактаблари ва клубларига жойлашишида, шунингдек, машғулотлар жараёнида маҳаллийчилик ва уруғ-аймоқчиликка йўл қўйилмаслиги ва спорт принципларининг бирламчи бўлишини таъминлашга қаратилади.

Бундан ташқари, футболчиларнинг ёшларини сохталаштириш каби иллатга қарши курашиш бўйича ҳам янги чора-тадбирлар белгилаб олинади. Федерациянинг “Ҳар бир болага биттадан тўп” номли янги ривожлантириш дастури ишга туширилади, дейилада ташкилот баёнотида.